Di result of di National Examination Council (NECO) June/July 2020 don come out.
Di Registrar of di examination body Professor Godswill Obioma for inside statement say candidates fit check dia results on NECO website: www.neco.gov.ng wit dia examination registration numbers.
Prof. Obioma say dem dey happy to release di result despite di Covid- 19 and END SARS protest challenge dem get for year 2020.
How to Check di June/July 2020 NECO Result?
Wit di new NECO Results system, candidates fit visit di results portal to check their results.
- First, candidates fit check dia results on NECO website: www.neco.gov.ng wit dia examination registration numbers.
- E go lead dem go di NECO Results system (www.result.neco.gov.ng).
- Pick your exam year. i.e. 2020
- Pick your exam type. i.e. SSCE INTERNAL (JUN/JUL)
- Enter your Token Number and registration number for di appropriate columns
- Finally, click on di check result button to access your NECO result.
- To get di token; Create an account for neco.gov.ng, login-in and buy di token online using di payment options.
- Buy di token and share wit candidates, parents, schools, organizations or any person wey wish to view di candidate’s results.
How candidates perform for di 2020 NECO result
According to NECO, 1,221,447 males and 665,830 females register for di examination.
Number of candidates wey sit for di examination na 1,209,992.
Number of candidates wey make five (5) Credits and above including English Language and Mathematics na 894,101 representing 73.89%. When compared to 2019 June/July SSCE figures of 829,787, an increase of 2.3% dey.
Di council say dem don make special arrangements for candidates wey miss some papers due to the End SARS Protests. Di affected candidates go now sit for those papers during di forthcoming 2020 SSCE (External) examination wey go start from Monday 1st February, 2021 to Wednesday 3rd March, 2021.
These special arrangements no go carry extra cost to these candidates. Upon di release of di 2020 SSCE Internal results, those of di affected candidates go dey pending for di papers missed and would be subsequently updated afta di supplementary examination results comot.
Di use of biometric verification make examination magomago reduce during di 2020 NECO exam.
Twelve schools for di kontri dey involved for examination malpractice. Four for Adamawa state, Two for Kaduna state, Two for Katsina state, Two for Niger state, One for Taraba State and one for FCT. Dis affected schools no go conduct di exam for two years sake of dia involvement in Mass cheating/whole school cases.
Also, twenty-four (24) Supervisors dey blacklisted for various offences ranging from poor supervision, Aiding and Abetting, Connivance with non- candidates to write answer on chalkboard and so on.